მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> ანჟეი ტიშკევიჩი: ევროკავშირის სადამკვირვებლო მისიის ყველა მექანიზმი ძალაში უნდა დარჩეს

უახლოეს მომავალში ევროკავშირი გააკეთებს სპეციალურ განცხადებას აფხაზური მხარის მიერ მიღებულ გადაწყვეტილებასთან დაკავშირებით, რომელმაც ევროკავშირის სადამკვირვებლო მისიის ხელმძღვანელი საქართველოში ანჟეი ტიშკევიჩი აფხაზეთის ტერიტორიაზე არასასურველ პერსონად გამოაცხადა.

როგორც საქართველოში ევროკავშირის მისიის ხელმძღვანელმა ფილიპ დიმიტროვმა ამ სიტუაციის კომენტირებისას განაცხადა, ევროკავშირი გააკეთებს განცხადებას 'იმისათვის რომ არ დაუშვას სიტუაციის გამწვავება'. ინფორმაციას ამის შესახებ აფხაზური მედია ავრცელებს.

'ევროკავშირის წევრი-სახელმწიფოები ღიად და მკაფიოდ დააფიქსირებენ თავიანთ პოზიციას. ძალიან მნიშვნელოვანია, რომ ევროკავშირის სადამკვირვებლო მისიის ყველა მექანიზმი ძალაში დარჩეს - ეს მნიშვნელოვანია საქართველოსათვის', - განაცხადა დიმიტროვმა.

შეგახსენებთ, რომ ევროკავშირის სადამკვირვებლო მისია საქართველოში 2008 წლის 1 ოქტომბრიდან მოქმედებს. მისიის შემადგენლობაში 25 წევრი-სახელმწიფოს 250 თანამშრომელი მუშაობს. ამ ეტაპზე ევროკავშირის სადამკვირვებლო მისიის თანამშრომლები აფხაზეთისა და ცხინვალის რეგიონის მოსაზღვრე ტერიტორიებზე სადამკვირვებლო მისიას ახორციელებენ.

ჯი-ეიჩ-ენი

ე.შ

 

 

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები