ბარაკ ობამა იუბილარია. შეერთებული შტატების პრეზიდენტს დღეს 48 წელი შეუსრულდა. პრეზიდენტი საკუთარ დაბადების დღეს თეთრ სახლში არასაზეიმო ვითარებაში, ოჯახურ გარემოში აღნიშნავს. 

სამუშაო ლანჩზე სენატორებიც იქნებიან დაპატიჟებული. თეთრი სახლის პრესმდივნის ცნობით, პრეზიდენტი და კანონმდებლები გააგრძელებენ საუბარს იმ პრიორიტეტებსა და მიღწევებზე, რაც ნახევარი წლის განმავლობაში ქვეყნის სათავეში ახალი ადმინსტრაციის მოსვლის შემდეგ განხორციელდა. 

რაც შეეხება დასვენებას, ობამა ოჯახთან ერთად, სავარაუდოდ, მასაჩუსეტსის შტატთან მდებარე ერთ-ერთი კუნძულზე დაისვენებს. პრეზიდენტის ოჯახმა უკვე დაჯავშნა მამული , რომელიც 12 ჰექტარზეა გაშლილი. ობამების ოჯახი იქ აგვისტოს ბოლოს რამდენიმე დღეს გაატარებს. 

1tv.ge 

ე.შ