მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> გიორგი კალანდაძეს 10 ათას ლარიანი გირაო შეეფარდა

გაერთიანებული შტაბის ყოფილ უფროსს, გიორგი კალანდაძეს აღარ დააპატიმრებენ და ის გირაოს სახით 10 ათას ლარს გადაიხდის. თბილისის საქალაქო სასამართლოს მოსამართლე ბადრი შონიამ დააკმაყოფილა კალანდაძის ადვოკატის შუამდგომლობა, რომ აღმკვეთ ღონისძიებად კალანდაძის მიმართ გამოყენებული ყოფილიყო გირაო 10 ათასი ლარის ოდენობით.
რაც შეეხება ბაჩო ახალაიას, ამ შემთხვევაში მოსამართლემ არ დააკმაყოფილა ახალაიას ადვოკატის შუამდგომლობა და მას აღმკვეთი ღონისძიების სახით პატიმრობა შეეფარდა.
როგორც მოსამართლემ განმარტა, მან გაითვალისწინა გაერთიანებული შტაბის უფროსის მოვალეობის შემსრულებლის, ვახტანგ კაპანაძის დახასიათება, რომელიც გიორგი კალანდაძეს დადებითად ახასიათებს. გარდა ამისა, მოსამართლემ ხაზი გაუსვა იმას, რომ გიორგი კალანდაძე პროცესზეც მივიდა. 
ბაჩო ახალაიას ადვოკატი დავით დეკანოიძე კი მიიჩნევს, რომ პროკურატურის შუამდგომლობა იყო უსაფუძვლო, დაუსაბუთებელი და ის არ უნდა დაკმაყოფილებულიყო. მისი თქმით, ამ შუამდგომლობის დაკმაყოფილების შემთხვევაში ახალაიას სტატუსი არ შეეცვლებოდა, რადგან ის ამჟამადაც პატიმარია.
ამასთან, გიორგი კალანადაძე ერთხელ უკვე იყო დაპატიმრებული და 20 ათასი ლარის გირაოს სანაცვლოდ გაათავისუფლეს. კალანდაძის და ბაჩო ახალაიას საკითხის სასამართლო მას შემდეგ დაუბრუნდა, რაც მათ ბრალი დაუმძიმდათ.  

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები