მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> ზურაბ ხარატიშვილი - ქართველი ემიგრანტებისთვის არჩევნების თარიღის შეცვლის იურიდიული საფუძველი არ არსებობს

ქართველი ემიგრანტებისთვის არჩევნების თარიღის შეცვლის იურიდიული საფუძველი არ არსებობს, - ამის შესახებ განცხადება ცესკო-ს თავმჯდომარემ, ზურაბ ხარატიშვილმა დღეს 'ქორთიარდ მარიოტში' გააკეთა, სადაც ცესკო-სა და პარტიების წარმომადგენლების შეხვედრა მიმდინარეობს. 
შეხვედრის მონაწილეები ემიგრანტებისთვის საარჩევნო პროცესში მონაწილეობის და პარტიული საარჩევნო სუბიექტების დაფინანსების წესებს განიხილავენ. 
'ჩვენ ვისაუბრებთ უცხოეთში მყოფ ჩვენს მოქალაქეებზე, თუ როგორ მიმდინარეობს საზღვარგარეთ წინასაარჩევნო პროცესი. ასევე განვიხილავთ პოლიტიკური პარტიების დაფინანსების წესსაც. ვფიქრობ, რომ მნიშველოვანია ამგვარი დიალოგი პოლიტიკური პარტიების წარმომადგენლებსა და საარჩევნო ადმინისტრაციას შორის', - განაცხადა ზურაბ ხარატიშვილმა. 
როგორც ცნობილია, რამდენიმე არასამთავრობო ორგანიზაციამ იმ მოტივით, რომ 1-ელი ოქტომბერი ორშაბათია, მოითხოვა, საზღვარგარეთ მცხოვრები საქართველოს მოქალაქეებისთვის არჩვენების დრო შეიცვალოს. ამ მოთხოვნით მათ ცესკო-ს თავმჯდომარეს მიმართეს. მათივე ინფორმაციით, ასეთი პრეცედენტი უკვე არსებობს ავღანეთში, კერძოდ  ქართულ სამხედრო ნაწილში არჩევნების თარიღთან  დაკავშირებით.
დღევანდელი შეხვედრა არასამთავრობო ორგანიზაცია 'ახალი თაობა - ახალი ინიციატივის' მოდერატორობით მიმდინარეობს. შეხვედრას ორგანიზებას უწევს IRI.  

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები