მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> თბილისში ევროპის კვირეული გაიმართება

თბილისში ევროპის სახლის ინიციატივით 25-დან 30 მაისამდე ევროპის კვირეული გაიმართება, რომლის მიზანი საქართველოსა და ევროპას შორის საზოგადოებრივი, შემეცნებითი, კულტურული და პოლიტიკური კავშირების გაღრმავებაა . 
როგორც კვირეულის ორგანიზატორები აცხადებენ, ექვსი დღის განმავლობაში თბილისის ქუჩები დასავლელი სტუმრების და თბილისელების შეხვედრების ადგილად იქცევა, ხოლო თბილისის უნივერსიტეტების, მუზეუმებისა და თავად ევროპის სახლის კარი ღია იქნება ქართული საზოგადოებისთვის, რომელიც დაინტერესდება ლექციებით, დებატებით, წიგნის პრეზენტაციითა და გამოფენებით.
ევროპის კვირეულის ფარგლებშივე შედგება საქართველოს ეროვნული მუზეუმის ბოლო დროს აღდგენილი და განახლებული სიმონ ჯანაშიას მუზეუმის საზეიმო გახსნა.
კვირეულის შესახებ პრესკონფერენცია დღეს, 11:00 საათზე, ევროპის სახლში გაიმართება. მას მოყვება მთელი რიგი ღონისძიებებისა, მათ შორის საჯარო ლექციები და დისკუსიები, რომლებიც საგანმანათლებლო-შემეცნებით მნიშვნელობას შესძენს ევროპის კვირეულს და საშუალებას მისცემს მრავალი ქვეყნის ცნობილ საზოგადო თუ პოლიტიკურ მოღვაწეს, ქართველ აუდიტორიას გაუზიაროს თავისი ხედვა და გამოცდილება საქართველოსა და ევროპისთვის აქტუალურ საკითხებზე.  

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები