მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> მაია ფანჯიკიძე: სააკაშვილი გრძელვადიანი სადამკვირვებლო მისიების მოწვევით უცხოელი მეგობრებისთვის თვალის ახვევას ცდილობს

'ქართული ოცნების' პრესსპიკერის, მაია ფანჯიკიძის განცხადებით, მიხეილ სააკაშვილი გრძელვადიანი სადამკვირვებლო მისიების მოწვევით უცხოელი პარტნიორებისთვის თვალის ახვევას ცდილობს. ამის შესახებ ფანჯიკიძემ ტრადიციულ ბრიფინზე განაცხადა.

'ის, რომ სააკაშვილი არჩევნებში გრძელვადიანი საერთაშორისო მონიტორების მოწვევას საკუთარ თავს მიაწერს და ამით თითქოს სამართლიანი არჩევნების ჩატარებისთვის იღწვის, სხვა არაფერია, თუ არა ჩვენი ქვეყნის მოქალაქეებისა და უცხოელი მეგობრებისთვის კიდევ ერთხელ თვალის ახვევა', _ განაცხადა ფანჯიკიძემ.

მისი თქმით, სადამკვირვებლო მისიების მოწვევაში დიდი წვლილი შეიტანა პოლიტიკურმა ოპოზიციამ და არასამთავრობო სექტორმა.

'ცნობილია, რომ სააკაშვილი ამას საერთოდ არ აპირებდა და სინამდვილეში გრძელვადიანი საერთაშორისო მონიტორების მოწვევაში უდიდესი ძალისხმევა მიუძღვის არასამთავრობო ორგანიზაციებს, ოპოზიციურ პარტიებსა და უცხოელ მეგობრებს',_ აღნიშნა ფანჯიკიძემ.

'ჯი-ეიჩ-ენი'

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები