მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> მიხეილ სააკაშვილი გერმანიაში იმყოფება

საქართველოს პრეზიდენტი მიხეილ სააკაშვილი გერმანიაში იმყოფება. პრეზიდენტის ადმინისტრაციის ინფორმაციით, სააკაშვილი German Marshall Fund of the US მიერ ორგანიზებულ ყოველწლიურ კონფერენციას ესწრება. 
'ფორუმი 'საქართველოს მომავლის კვალდაკვალ', წელს საქართველოს ევროატლანტიკურ ინტეგრაციასა და დემოკრატიული ინსტიტუტების განვითარებას ეძღვნება. კონფერენციის მონაწილეები განიხილავენ საკითხებს, რომლებიც ამ პროცესში საქართველოს მხარდაჭერასა და დახმარებას ითვალისწინებს; ასევე, იმსჯელებენ კავკასიის რეგიონის უსაფრთხოების ასპექტებზე', - ნათქვამია პრეზიდენტის ადმინისტრაციის განცხადებაში.
მათივე ინფორმაციით, ფორუმს, რომელიც მიუნხენის მახლობლად იმართება, სხვადასხვა ქვეყნის საგარეო საქმეთა მინისტრები, პოლიტოლოგები და პარლამენტის წევრები ესწრებიან. 
საქართველოს პრეზიდენტთან ერთად, ელმაუში პარლამენტის თავმჯდომარე დავით ბაქრაძეც იმყოფება.
კონფერენცია არაფორმალურ ხასიათს ატარებს და უკვე მეოთხედ იმართება. 

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები