მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> მიხეილ სააკაშვილი - ქართველი ერი წარსულში დაბრუნების არჩევანს აღარ გააკეთებს

საქართველოს პრეზიდენტმა, მიხეილ სააკაშვილმა, 'კიევ პოსტ'-ის მიერ ორგანიზებულ საერთაშორისო კონფერენციის მუშაობაში მიიღო მონაწილეობა. როგორც სოციალურ ქსელ 'ფეისბუქში' პრეზიდენტის ოფიციალურ გვერდზე გავრცელებულ ინფორმაციაშია ნათქვამი, მიხეილ სააკაშვილმა კონფერენციის მონაწილეებს სიტყვით მიმართა.
გამოსვლისას პრეზიდენტმა საქართველოსა და უკრაინის მეგობრობასა და საერთო ღირებულებებზე ისაუბრა და აღნიშნა, რომ ევროინტეგრაცია ორივე ქვეყნის უალტერნატივო მომავალია. 
მიხეილ სააკაშვილმა დამსწრე საზოგადოებას ის გამოცდილება გაუზიარა, რომელიც ქვეყანამ მისი და მისი გუნდის 9-წლიანი მართველობის პერიოდში დააგროვა. პრეზიდენტმა ის ეკონომიკური და სამართლებრივი რეფორმები გამოყო, რომლებიც სხვადასხვა საერთაშორისო ინსტიტუტებმა რეგიონში ერთ-ერთი სამაგალითო მოდელად აღიარეს. გამოსვლისას, ქვეყნის პირველმა პირმა იმედი გამოთქვა, რომ ქვეყანაში დაწყებული პროგრესი კვლავ გაგრძელდება, რადგან ქართველი ერი წარსულში დაბრუნების არჩევანს აღარ გააკეთებს.
საქართველოში განხორციელებულ რეფორმებსა და არსებულ პროგრესზე კონფერენციაზე საკმაოდ ვრცლად ისაუბრა უკრაინის ეკონომიკური განვითარებისა და ვაჭრობის მინისტრმა პიოტრ პოროშენკომ. მისი შეფასებით, ბოლო წლებში მიმდინარე ეკონომიკურმა რეფორმება ცხადყო, რომ საერთაშორისო ასპარეზზე საქართველო მისაბაძი მაგალითი გახდა. 
განსაკუთრებული ყურადღება მან იმ ცვლილებებზე გაამხვილა, რომელთა შედეგადაც საქართველოში ბიზნესის კეთება გამარტივდა. პიოტრ პოროშენკომ თავისი მთავრობის წევრებს ამ წარმატებებისა და გამოცდილების გაზიარებისკენ მოუწოდა, რაც, მისივე თქმით, მნიშვნელოვანწილად განაპირობებს უკრაინის განვითარებასა და პროგრესს. 

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები