მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> ნიკოლა სარკოზი საფრანგეთის საპრეზიდენტო არჩევნებში დამარცხდა

ნიკოლა სარკოზი საფრანგეთის საპრეზიდენტო არჩევნებში დამარცხდა. უცხოური მედიის ინფორმაციით, გუშინ ჩატარებული არჩევნების მეორე ტურში , სარკოზის 'სოციალისტმა' ფრანსუა ოლანდმა 4 %-ით სძლია.
წინასწარი შედეგებით, ოლანდმა ხმათა 51,01 % მიიღო, სარკიზიმ კი 48,99 %.
საფრანგეთის უკვე ყოფილმა პრეზიდენტმა არჩევნებში დამარცხება ხმის მიცემის პროცესის დასრულებიდან მალევე აღიარა და განაცხადა, რომ ფრანსუა ოლანდი რესპუბლიკის პრეზიდენტია და მას ყველამ პატივი უნდა სცეს.
'ფრანსუა ოლანდი არჩეულ იქნა საფრანგეთის პრეზიდენტად. პატივი ვცეთ ხალხის არჩევანს', - განაცხადა სარკოზიმ გუშინ მომხრეებთან შეხვედრისას და აქვე განმარტა, რომ ის ფრანსუა ოლანდს ტელეფონით ესაუბრა და გამარჯვება პირადად მიულოცა.
ამასთან, მისივე განმარტებით, საპრეზიდენტო არჩევნებში დამარცხების მიუხედავად, მმართველი პარტია საპარლამენტო არჩევნებში მონაწილეობას მიიღებს, თუმცა მისი ლიდერი თავად არ იქნება. 
ფრანსუა ოლანდის განცხადებით კი, საფრანგეთმა 6 მაისს ცვლილებები აირჩია და პრეზიდენტის თანამდებობაზე მისი ყოფნა ისურვა.
ოლანდი განახლების მომხრეა, ის ევროპის საფინანსო შეთანხმების გადასინჯვის ინიციატივით გამოდის, რაც, მისი აზრით, უმუშევრობის დონის შემცირებას და ეკონომიკური ზრდის ტემპის გაზრდას მოიტანს. 
საფრანგეთში საპრეზიდენტო არჩევნების მეორე ტური გუშინ გაიმართა.

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები