მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> პროკურორი და გამომძიებელი მერიაში გიგი უგულავას დასაკითხად მივიდნენ

თბილისის მერიაში გიგი უგულავას დასაკითხად პროკურორი ნუგზარ სალია და ფინანსთა სამინისტროს საგამოძიებო სამსახურის გამომძიებელი თამარ კუჭავა მივიდნენ. 
როგორც ნუგზარ სალიამ ჟურნალისტებს განუცხადა, გარკვეული კითხვები არსებობს 'თბილსერვის ჯგუფთან' დაკავშირებით და შესაბამისად, სადაც მოსახერხებელი იქნებოდა გიგი უგულავასგან ინფორმაციის მიღება, სწორედ იქ მივიდნენ.
პროკურორმა და მოსამართლემ საშვთა ბიუროში საშვები აიღეს და იურიდიულ სამსახურში, მე-17 სართულზე ავიდნენ, რის შემდეგაც უგულავას კაბინეტში გადაინაცვლეს. 
მათი განცხადებით, კომენტარს გიგი უგულავას დაკითხვის შემდეგ გააკეთებენ.
თბილისის მერმა, გიგი უგულავა გუშინ განცახადა, რომ ფინანსთა სამინისტროს საგამოძიებო სამსახურში 13.00 საათისთვის დაკითხვაზე მისვლას არ აპირებს და გამომიძიებელს საკუთარ კაბინეტში ელოდება. 
'მინდა ვუთხრა მათ, რომ ხვალინდელი დღე მე მაქვს გაწერილი, ამიტომ ხვალ, 16:00 საათზე ველოდები გამომძიებელს, პაატა მამულაშვილს. მერიის მისაღებში მას ჩემი თანამშრომლები დახვდებიან, მივიღებ და გავცემ ნებისმიერ კითხვაზე პასუხს. თუ გამოძიებას ეს დრო არ აწყობს, მე ზეგ მივემგზავრები პრეზიდენტთან ერთად კონფერენციაზე და დაბრუნებისთანავე შევჯერდებით მომდევნო ურთიერთობის ფორმაზე. თუ ვინმეს ილუზია შეექმნა, რომ მე მივდივარ და აღარ დავბრუნდები, მინდა ვუთხრა მათ, რომ ამ სიამოვნებას მე ივანიშვილს, კბილაშვილს, წულუკიანს და ა.შ არ მივანიჭებ', - აღნიშნა გუშინ თბილისის მერმა.
რაც შეეხება დაკითხვის თემას, გიგი უგულავას მოწმის სტატუსით დაკითხვა დედაქალაქის ბიუჯეტიდან 5 245 945 ლარის გაფლანგვის ფაქტზე მიმდინარე გამოძიებას უკავშირდება. 
საქართველოს ფინანსთა სამინსიტროს საგამოძიებო სამსახური, შპს 'თბილსერვის ჯგუფი'-ს საქმიანობას სწავლობს, რომელიც თბილისის მერიამ ქალაქის დასუფთავების მიზნით 2006 წელს დააფუძნა. 
'გამოძიებით ამ დროისთვის დადგენილია, რომ 2009 წლის 31 დეკემბერს შპს 'თბილსერვის ჯგუფის' იმჟამინდელმა გენერალურმა დირექტორმა გიორგი ხუჭუამ, მერიის დასუფთავების სამსახურის იმჟამინდელი უფროსის, ტარიელ ხიზანეიშვილის დავალებით, 'ერთიანი ნაციონალური მოძრაობის' აქტივისტების მატერიალური უზრუნველყოფის მიზნით, ამ სამსახურში ფორმალურად შექმნა 'საზოგადოებასთან ურთიერთობის განყოფილება', სადაც, 2 წლის განმავლობაში, ფიქტიურად დასაქმდა აღნიშნული პოლიტიკური პარტიის 764 აქტივისტი - ე.წ. პარტიული კოორდინატორი. უმეტესობას ამ სამსახურში არც ერთი დღე არ უმუშავია, რადგან ისინი, როგორც წესი, უკვე დასაქმებულები იყვნენ სხვადასხვა საბიუჯეტო ორგანიზაციებში და პრალელურად პარტიულ საქმიანობასაც ეწეოდნენ, თუმცა დედაქალაქის ბიუჯეტისთვის განკუთვნილი ასიგნებებიდან მათ ხელფასის სახით 5 245 945 ლარი დაერიცხათ. 
გამოძიებით ირკვევა, რომ 2010 წლის 6 აგვისტოს, 'თბილსერვის ჯგუფის' საშტატო განრიგი და სახელფასო ფონდი დედაქალაქის მოქმედმა მერმა - გიგი უგულავამ დაამტკიცა. რაც შეეხება დასუფთავების სამსახურის ყოფილ უფროსს, ტარიელ ხიზანეიშვილს, იგი ამჟამად ვიცე-მერის თანამდებობას იკავებს. 
გამოძიება ინტენსიურად მუშაობს 5 245 945 ლარის გაფლანგვის ფაქტზე და უახლოეს დღეეებში გადაწყვეტს ბრალეულ პირთა სისხლის სამართლის პასუხისმგებლობის საკითხს', - ნათქვამია საგამოძიებო სამსახურის განცხადებაში. 

ინტერპრესნიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები