მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> საგარეო საქმეთა მინისტრის მოადგილემ თანამდებობა დატოვა

საგარეო საქმეთა მინისტრის მოადგილემ ნიკოლოზ ვაშაკიძემ თანამდებობა დატოვა და ამის მიზეზად „დღევანდელ საგარეო პოლიტიკურ კურსთან და სტილთან შეუთავსებლობა' დაასახელა.

„ჩემი გადაწყვეტილების მიზეზი იყო შეუთავსებლობა დღევანდელ საგარეო პოლიტიკურ კურსთან და სტილთან. სხვას ამ ეტაპზე ვერაფერს გეტყვით, ეს სერიოზული საუბრის თემაა და ახლა მხოლოდ ამით შემოვიფარგლოთ', - განუცხადა ვაშაკიძემ „ინტერპრესნიუსს' 22 იანვარს.

საგარეო საქმეთა სამინისტროს წარმომადგენელმა განაცხადა, რომ საგარეო საქმეთა მინისტრმა მაია ფანჯიკიძემ შესთავაზა ვაშაკიძეს დიპლომატიურ სამსახურში მუშაობის გაგრძელება, ვინაიდან ის პროფესიონალად მიაჩნია, მაგრამ ვაშაკიძემ უარი განაცხადა.

ვაშაკიძეს წინა ხელისუფლების დროს საგარეო საქმეთა მინისტრის პირველი მოადგილის პოსტი ეკავა. მთავრობის შეცვლის შემდეგ ვაშაკიძე საქართველოს მთავარი მომლაპარაკებელიც გახდა ჟენევის მოლაპარაკებებზე.

საგარეო უწყებას ჯერ არ მიუღია გადაწყვეტილება იმაზე, თუ ვინ შეცვლის ვაშაკიძეს საგარეო საქმეთა მინისტრის მოადგილის პოსტზე.

სივილ ჯორჯია

ე.შ

 

 

 

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები