მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> საქართველოს პრეზიდენტს საშუალება ეძლევა მაღალჩინოსნებს პერსონალური დაცვა მოუხსნას

 

საქართველოს პრეზიდენტს საშუალება ეძლევა მაღალჩინოსნებს პერსონალური დაცვა მოუხსნას. აღნიშნულ საკითხს  'სახელმწიფო დაცვის სპეციალური სამსახურის შესახებ' კანონში შემავალი ცვლილება ითვალისწინებს.

არსებული პროექტის მიხედვით, პოლიტიკური თანამდებობის პირების ნაწილს პერსონალური დაცვის დანიშვნა, კანონით აქვთ გარანტირებული. ნაწილს კი, მათ შორის საქართველოს პარლამენტის თავმჯდომარის მოადგილეს, საქართველოს პარლამენტის წევრს, საქართველოს მთავრობის წევრს, საქართველოს კონტროლის პალატის თავმჯდომარეს, საქართველოს სხვა სახელმწიფო უწყების ხელმძღვანელს ან საქართველოს სახელმწიფო ხელისუფლების მაღალი რანგის თანამდებობის პირს სამსახურებრივი უფლებამოსილების პერიოდში, აგრეთვე მისი ოჯახის წევრებს, პრეზიდენტს შეუძლია დაცვა დაუნიშნოს.

კანონპროექტით კი, პრეზიდენტს მათთვის დაცვის მოხსნის უფლებაც ენიჭება. პრეზიდენტის ეს უფლებამოსლება გავრცელდება საქართველოში ვიზიტით მყოფ უცხო ქვეყნის უმაღლესი თანამდებობის პირებსა და საერთაშორისო ორგანიზაციის წარმომადგენლებზეც, დიპლომატიური მისიის ხელმძღვანელებზე და ყოფილ უმაღლეს თანამდებობის პირებზე.
აღსანიშნავია ის გარემოება, რომ იმ თანამდებობის პირთა ჩამონათვალში, რომელსაც პრეზიდენტმა შეიძლება დაცვა დაუნიშნოს ან მოუხსნას, კონტროლის პალატა აღარ არის ნახსენები.
კანონპროექტის ავტორი სახელმწიფო დაცვის სამსახურია, ინიციატორი კი პარლამენტის თავდაცვის კომიტეტი.

 

ჯეონიუსი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები