მთავარი სიახლეები პროექტები ვიდეო/ფოტო რეგისტრაცია ბმულები
    მთავარი >> news >> წუხელ შოთა ხიზანიშვილის სამუშაო კაბინეტი და სახლი გაჩხრიკეს

სამართალდამცველებმა წუხელ, გვიან ღამით შინაგან საქმეთა მინისტრის ყოფილი მოადგილისა და ვიცე-მერის, შოთა ხიზანიშვილის სამუშაო კაბინეტი და საცხოვრებელი სახლი გაჩხრიკეს. 

ხიზანიშვილის ბინის ჩხრკის პროცესს ადვოკატი არ დასწრებია- ამის შესახებ 'ივერონს' მისმა ადვოკატმა მამუკა ჭაბაშვილმა განუცხადა.

ჭაბაშვილის თქმით, ხიზანიშვილის ოჯახის წევრების ინფორმაციით, სამართალდამცველებს ბინის ჩხრეკისას არაფერი წაუღიათ. პროკურატურის წარმომადგენლები, მერიაში ხიზანიშვილის სამუშაო ოთახის გასაჩხრეკად, ღამის 12 საათზე მივიდნენ. 

'ჩვენთვის მათი მოსვლა მოულოდნელი იყო, რადგან ყოველგვარი გაფრთხილების გარეშე, ღამის 12:00 საათზე მოვიდნენ. თავდაპირველად ხელმძღვანელობასთან შეხვედრა მოითხოვეს. რა თქმა უნდა, ჩვენ შევხვდით, რის შემდეგაც უკვე შოთა ხიზანიშვილის კაბინეტის ჩხრეკა ითხოვეს, რომელიც დაახლოებით ნახევარი საათი გაგრძელდა. ამ ეტაპზე რაც ვიცით, წაღებულია პროცესორი', - განაცხადა თბილისის მერის პრესსპიკერმა, ბაჩო დოლიძემ.

მერიის პრესსპიკერის განმარტებით, სამართალდამცველებს მათთვის ჩხრეკის არავითარი დოკუმენტი არ წარუდგენიათ.

'არავითარი დოკუმენტი არ დაუტოვებიათ, მაგრამ ჩვენ ძალით წინააღმდეგობას არ გავუწევდით. მზად ვართ სამართალდამცავ ორგანოებთან ვითანამშრომლოთ, თუმცა ადექვატურ ზომებს ვითხოვთ მათგანაც', - აღნიშნა თბილისის მერიის პრესსპიკერმა. 

ივერონი

ე.შ

მსგავსი თემები
ქართული წარმომადგენლობები ეკლესია ქართული ორგანიზაციები ქართული ბიზნესი აშშ-ში ხელოვნება და სპორტი ჩვენს შესახებ კონტაქტი საქართველოს შესახებ Facebook - შემოგვიერთდით
ქართული სატელევიზიო არხები